ក្រុម Barcelona កាលពីយប់មិញ លេងបានត្រឹមស្មើក្រុម Sevilla ក្នុងលទ្ធផល ០-០ ប៉ុណ្ណោះនាការប្រកួតក្របខណ្ឌ La Liga សប្ដាហ៍ទី៣០។
លទ្ធផលស្មើនេះដែរ នឹងជាឱកាសសម្រាប់ក្រុម Real Madrid វិញ ដើម្បីបានឡើងមកកំពូលតារាង។ ពោលគឺប្រសិនបើពួកគេយកឈ្នះក្រុម Real Sociedad បាននៅថ្ងៃអាទិត្យ នោះនឹងបានឡើងទៅកំពូលតារាងជំនួសតំណែងរបស់ Barcelona ហើយ។ ការបានឡើងទៅកំពូលតារាងរបស់ Real Madrid គឺដោយសារតែ La Liga ប្រើរូបមន្ដ Head-to-Head។
យ៉ាងណាមិញ សម្រាប់ការប្រកួតនៅយប់មិញរបស់ Barcelona ត្រូវបានកីឡាករ Pique មើលឃើញថាមិនល្អទាល់តែសោះ។ ប្រសិនណាបើក្រុមអ្នកមានបុណ្យនៅតែលេងដូច្នេះទៀត នោះមិនមានឱកាសឈ្នះពានរង្វាន់ឡើយ៕ប្រភព Dailymail