លោក Jose Mourinho អ្នកចាត់ការក្រុម Spurs បានបញ្ជាក់យ៉ាងច្បាស់ថាខ្សែប្រយុទ្ធ Harry Kane និង Son Heung-min គឺអាចចូលលេងបានទល់ក្រុម Manchester United នៅយប់នេះ។
Spurs បើករដូវកាលឡើងវិញ ដោយត្រូវប៉ះក្រុម Man Utd នៅម៉ោង២:១៥នាទីរំលងអាធ្រាត្រនេះ។ សម្រាប់ការប្រកួតឡើងវិញនេះដែរ លោក Jose Mourinho ដែលជាអ្នកចាត់ការក្រុម បានអះអាងថាសមាជិកទាំងអស់ដែលកន្លងមកបានរងរបួស ពេលនេះអាចជាសះស្បើយ និងដាក់ឱ្យលេងបានវិញហើយ។ ជាក់ស្ដែង Harry Kane ដែលខកខានជាច្រើនប្រកួតនោះ ក៏អាចលេងបានដែរនៅរាត្រីនេះ។
កីឡាករសំខាន់២នាក់ទៀតដែលសុទ្ធតែមានបញ្ហារបួសដែរនោះ Son Heung-min និងខ្សែបម្រើ Moussa Sissoko ក៏បានត្រលប់មកជួយក្រុមបានដែរ។ ពួកគេនឹងចូលលេងដូចគ្នាសម្រាប់ការប្រកួតបើកឆាកដ៏សំខាន់នេះ៕ប្រភព Bbc