លោក Setien មើលឃើញថាក្រុម Barcelona របស់លោក អាចនឹងមិនឈ្នះប្រកួតនៅសល់ទាំង៩ប្រកួតនោះទេ ដោយអាចនឹងបាត់ពិន្ទុខ្លះជាមិនខាន។
ក្របខណ្ឌ La Liga នៅសល់តែ៩ប្រកួតទៀតប៉ុណ្ណោះ នឹងបញ្ចប់រដូវកាលនេះហើយ។ ដោយបច្ចុប្បន្ននេះ ក្រុម Barcelona កំពុងឈរនៅកំពូលតារាង នាំមុខក្រុមលេខ២ Real Madrid តែ២ពិន្ទុប៉ុណ្ណោះ។ ប្រសិនបើក្រុម Barcelona អាចឈ្នះប្រកួតនៅសល់ទាំងអស់បាន នោះពួកគេមិនបារម្ភខ្លាចមិនឈ្នះលីគនោះទេ។
តែបើតាមលោក Setien វិញ មើលឃើញថាការប្រកួតនៅសល់៩ប្រកួតខាងមុខនេះ នឹងមិនងាយស្រួលឡើយ។ លោកយល់ឃើញថាក្រុម Barcelona នឹងខាតពិន្ទុខ្លះមិនខាន ក្នុងដំណើរទៅមុខ៩ប្រកួតទៀតនេះ។ ខណៈដែលការប្រកួតវិញ ក៏កៀកគ្នាខ្លាំងពេកផងដែរ។ ស្របពេលនៅរាត្រីនេះ ក្រុមអ្នកមានបុណ្យនឹងត្រូវប្រកួតទៀតហើយ តទល់ជាមួយក្រុម Sevilla នៅម៉ោង៣រំលងអាធ្រាត្រ៕ប្រភព Marca