ក្រុមបិសាចក្រហម Manchester United នឹងត្រូវប្រកួតជាមួយក្រុម Spurs នៅម៉ោង២:១៥នាទីរំលងអាធ្រាត្រនេះហើយ ដែលជាការប្រកួតបើក Premier League ឡើងវិញ។
សម្រាប់ការប្រកួតនេះដែរ ក្រុមទាំងសងខាងសុទ្ធតែត្រៀមលក្ខណៈគ្រប់គ្រាន់ហើយ ខណៈដែលកីឡាកររបួសក៏បានជាសះស្បើយផងដែរ។ ក្នុងនោះ ក្រុមបិសាចក្រហម Manchester United ក៏អាចនឹងដាក់ Paul Pogba ដើម្បីចូលលេងវិញផងដែរ ក្រោយពីរូបគេខកខានប្រកួតជិត១ឆ្នាំមកនេះ ដោយសាររបួសជើង។
លោក Solskjaer អ្នកចាត់ការក្រុម Man Utd បាននិយាយថា៖ “Paul ជាខ្សែបម្រើល្អបំផុតម្នាក់នៅលើលោកនេះ។ គាត់ជាអ្នកឈ្នះ World Cup ហើយយើងចង់ឃើញគាត់ដឹកនាំការប្រកួតមួយនេះឱ្យបានល្អបំផុត។ ពេលនេះ គាត់បានជាសះស្បើយពីរបួសហើយ។ គាត់បានត្រៀមជាស្រេចក្នុងការប្រកួតនៅរាត្រីនេះ”៕ប្រភព Bbc