ក្រុមតោខៀវ Chelsea បានប្រកាសជាផ្លូវការ ទិញយកខ្សែប្រយុទ្ធ Timo Werner ពីក្រុម RB Leipzig បានសម្រេចហើយ ដោយរង់ចាំតែការបង្ហាញខ្លួនផ្លូវការប៉ុណ្ណោះ។
ដំបូងឡើយ Werner ជាកីឡាករដែលក្រុម Liverpool ចង់បានខ្លាំង ហើយរំពឹងថាទិញយកបានថែមទៀត ប៉ុន្តែដោយសារវិបត្តិ Covid-19 ទើបបានជាហង្សក្រហមរំសាយចិត្តនោះចោលវិញ។ ឃើញដូច្នេះហើយ ទើបបានជា Chelsea ចូលខ្លួនចែចូវភ្លែត រហូតប្រកាសទិញបានជាស្រេចតែម្ដងកាលពីយប់មិញនេះ។
ខ្សែប្រយុទ្ធអាល្លឺម៉ង់ខាងលើ នឹងលេងឱ្យក្រុម RB Leipzig រហូតដល់ចប់រដូវកាលនេះ ទើបរូបគេផ្លាស់មកលេងនៅ Chelsea ។ តម្លៃខ្លួនរបស់គេ មិនទាន់បញ្ជាក់ច្បាស់ទេ ប៉ុន្តែប្រភពនៅអង់គ្លេសបង្ហើបថាជាង៥០លានផោន។ នេះជាខ្សែប្រយុទ្ធទី២ហើយដែលក្រុមលោក Lampard ទិញចូល។ ដោយអ្នកទី១នោះគឺ Hakim Ziyech របស់ក្រុម Ajax ៕ប្រភព Chelseafc