ខ្សែប្រយុទ្ធស្លាបរបស់ក្លឹបតោខៀវ Chelsea គឺកីឡាករ Pedro ត្រូវបានរាយការណ៍ថា នឹងមិនចុះហត្ថលេខាលើកុងត្រារយៈពេលខ្លីជួយក្លឹបដល់បញ្ចប់រដូវកាលនោះទេ។
កីឡាករវ័យ ៣២ ឆ្នាំ ជាប់កុងត្រាជាមួយម្ចាស់ដី Stamford Bridge ត្រឹមថ្ងៃទី ៣០ មិថុនា ហើយគេមានសិទ្ធជ្រើសរើស ២ រវាងការចាកចេញ ឬបន្តនៅត្រឹមរយៈពេលខ្លីរហូតដល់បញ្ចប់រដូវកាល ២០១៩/២០។
Frank Lampard
Pedro
តាមប្រភពពី The Athletic បានចុះផ្សាយ Pedro បានព្រមព្រៀងការផ្ទេរទៅក្លឹប Roma នៅឯលីគ Serie A ហើយ បែបនេះបើផុតថ្ងៃទី ៣០ មិថុនា គឺលោកនឹងទៅចូលរួមជាមួយក្រុមនៅអ៊ីតាលី ពោលមិនបន្តនៅជួយក្លឹបនៅការប្រកួតសេសសល់ប្រមាណ ៥ សប្ដាហ៍ទៀតឡើយ។
Pedro
បញ្ជាក់ថា Chelsea ត្រូវជួប Aston Villa, Man City និង Leicester City ទម្រាំដល់ថ្ងៃទី ៣០ មិថុនានោះ។ កុងត្រាថ្មីនៅ Roma កីឡាករអេស្ប៉ាញទទួលបានប្រាក់ពលកម្មប្រមាណ ៥៦ ០០០ ផោន/សប្តាហ៍ ជាមួយកុងត្រា ២ ឆ្នាំ៕ ប្រភព៖ Sportsmole