ក្រុម Juventus បានបរាជ័យក្រោមថ្វីជើងក្រុម Napoli ក្នុងការទាត់បាល់កាត់សេចក្ដី ក្នុងលទ្ធផល ៤-២ កាលពីយប់មិញនេះក្នុងពានរង្វាន់ Coppa Italia ។
សម្រាប់ការប្រកួតនេះដែរ លោក Sarri អ្នកចាត់ការក្រុម Juventus បាននិយាយថា៖ “វាគឺជារឿងអស់សង្ឃឹមមួយសម្រាប់ក្លឹប និងអ្នកគាំទ្រ ប៉ុន្តែនៅដំណាក់កាលនេះយើងមិនអាចធ្វើអ្វីបានច្រើនទេ ព្រោះក្រុមរបស់យើងមិនទាន់ពេញកម្លាំងឡើយ។ យើងនៅខ្វះកម្លាំងប្រកួតច្រើន។ កីឡាករភាគច្រើនមានបញ្ហារបួស ដែលយើងត្រូវរកអ្នកថ្មីមកជួយ។ នេះហើយ ជាហេតុផលដែលយើងមិនអាចរកគ្រាប់បាល់បាន”។
រំលឹកថាលោក Sarri តាំងពីចាប់អាជីពជាអ្នកចាត់ការក្រុមមកនៅអ៊ីតាលី លោកនៅមិនទាន់បានឈ្នះពានរង្វាន់ធំណាមួយនោះទេ។ ដោយឡែកសម្រាប់ការដឹកនាំក្រុម Juventus វិញ លោកឈានដល់វគ្គផ្ដាច់ព្រ័ត្រ២ដងមកហើយ ប៉ុន្តែសុទ្ធតែបរាជ័យទាំងអស់៕ប្រភព Football