ក្លិបបឹងកេតអេហ្វស៊ី និងគ្រូបង្វឹក APISIT IM AMPHAI បានឈានដល់ការយល់ព្រមលើការបញ្ចប់កិច្ចសន្យារវាងភាគីទាំងពីរជាផ្លូវការ ចាប់ពីថ្ងៃជូនដំណឹងនេះតទៅដោយសារតែគ្រូបង្វឹកសញ្ជាតិថៃរូបនេះមានភារកិច្ចផ្ទាល់ខ្លួននៅប្រទេសកំណើត។
តាមរយៈការប្រកាសរបស់ក្លិបមានមូលដ្ឋាននៅតំបន់បឹងស្នោ ខណ្ឌច្បារអំពៅ! ស្ថិតក្នុងពេលវេលានេះ ក្លិបក៏បានចាត់តាំងលោក គីម ភក្តី មានតួនាទីជានាយកបច្ចេកទេសរបស់ក្លិប ដឹកនាំជាបណ្តោះអាសន្នរហូតដល់មានការប្រកាសតែងតាំងគ្រូបង្វឹកថ្មីនាពេលខាងមុខ។ លោក Apisit ដឹកនាំក្លិបបឹងកេតបាន៤ប្រកួតក្នុងរដូវកាល២០២០នេះដោយឈ្នះ ២ប្រកួតនិងស្មើ២ប្រកួតខណៈបឹងកេតឈរលេខ ៥បណ្ដោះអាសន្តកាន់៨ពិន្ទុក្នុងដៃ៕