ពានរង្វាន់ Golden Boy បានបង្កើតឡើងដោយស្ថាប័នសារព័ត៌មានអ៊ីតាលី Tuttosport នៅឆ្នាំ ២០០៣ ជ្រើសរើសកីឡាករវ័យក្រោម ២១ ឆ្នាំល្អបំផុតប្រចាំឆ្នាំ។
កន្លងទៅនេះទើបតែបានប្រកាសបេក្ខភាពឈរឈ្មោះទាំង ១០០ រូបសម្រាប់ការប្រជែងពាននាឆ្នាំ ២០២០ ហើយលទ្ធផលគឺសម្រេចលើមតិបោះឆ្នោតនៃការជ្រើសរើសពីសំណាក់ស្ថាប័នសារព័ត៌មានធំៗមានដូចជា Bild, Blick, A Bola, L’Equipe, France Football, Marca, Mundo Deportivo, Ta Nea, Sport Express, De Telegraaf និង The Times មានសិទ្ធជ្រើសរើសបេក្ខភាពកីឡាករ ៥ រូប ហើយលំដាប់ពិន្ទុដែលទទួលបានគឺផ្អែកទៅលើចំណាត់ថ្នាក់នៃការរៀបមានតាំងពី ១ ដល់ ១០ ពិន្ទុ។
កាលពីឆ្នាំ ២០១៩ គឺ Joao Felix ដែលជាអតីតយុវជនរបស់ក្លឹប Benfica និងកំពុងបម្រើអាជីពនៅក្លឹប AT Madrid ជាអ្នកឈ្នះពាន Golden Boy។ ចុះបើនិយាយជារួមជាង ១៧ ឆ្នាំមកនេះ តើក្លឹបណាខ្លះមានយុវជនឈ្នះពាននេះច្រើនបំផុត?
- Man Utd ៣ លើក (ឆ្នាំ ២០០៤ Rooney ២០០៨ Andersonនិង ២០១៥ Martial)
- Monaco ២ លើក
- Ajax ២ លើក
- Atletico Madrid ២ លើក
- Benfica ២ លើក៕
ប្រភព៖ Wikipedia