ប្រធានក្លឹប Napoli លោក Aurelio De Laurentiis បានទម្លាយឲ្យដឹងថា តម្លៃខ្លួន Kalidou Koulibaly ដែលជាខ្សែការពារសំខាន់ប្រចាំក្លឹបរបស់ខ្លួន ចាំបាច់ត្រូវទទួលបានទាបបំផុត ៩០ លានផោនទើបអនុញ្ញាតឲ្យចេញទៅបាន។
បុរសវ័យ ២៨ ឆ្នាំ បច្ចុប្បន្នរាប់ជាខ្សែការពារដ៏ល្អមួយរូបនៅតំបន់អឺរ៉ុប ដោយកន្លងមកមានតាំងពីក្លឹប Man City, Man Utd និង Liverpool ជាដើម សុទ្ធសឹងល្ហៀងៗថាចង់បានកីឡាករសេណេហ្គាល់រូបនេះ។
ប្រាប់ CdS ប្រធានក្លឹបវ័យ ៧១ ឆ្នាំនិយាយ៖ “ប្រសិន City ឬ United ឬ PSG ជាដើម ហ៊ានឲ្យដល់ ១០០ លានអឺរ៉ូ (៩០ លានផោន) ខ្ញុំនឹងគិតអំពីរឿងនេះ [ការលក់ Koulibaly] ហើយវាក៏មានភាគរយដែលកីឡាករអាចនឹងចាកចេញទៅដែរ ប្រសិននៅលក្ខខណ្ឌដែលសាមីខ្លួនគេចង់ចាកចេញដែរនោះ”។
លោកបន្ថែម៖ “ខ្ញុំនិយាយឲ្យត្រង់ទៅ ខ្ញុំមិនមើលឃើញនៅសំណើថ្លៃខ្លួន ៥៥ លានផោនអីនោះទេ”៕ ប្រភព៖ SportBible