Robert Lewandowski និង Cristiano Ronaldo បើនិយាយរយៈពេល ១០ ឆ្នាំចុងក្រោយនេះ ក៏អ្នកទាំងពីរមានការប្រជែងការរកគ្រាប់បាល់ប្រចាំរដូវកាលជាញឹកញយផងដែរ ជាពិសេសគឺកីឡាករប៉ូឡូញទាំងរដូវកាលចាស់និងរដូវកាល ២០១៩/២០ គឺបានឈរនៅចំណាត់ថ្នាក់ដ៏ល្អមួយនៅតារាង Top Scorer។
តើអ្នកជឿទេថា Lewandowski ធ្លាប់ចង់មកលេងជាមួយ Ronaldo ហើយនេះគឺជារឿងពិត? ពាក្យនេះត្រូវបានទម្លាយចេញពីអតីតភ្នាក់ងាររបស់ខ្សែប្រយុទ្ធ Bayern ផ្ទាល់នោះគឺលោក Cezary Kucharski បាននិយាយ៖ “Lewandowski គាត់ធ្លាប់ចង់មក Real Madrid ព្រោះ Ronaldo គាត់នៅទីនោះ”។
បញ្ជាក់ថាក្រោយ CR7 ចាកចេញមក ២ ឆ្នាំចុងក្រោយនេះ ក៏មិនធ្លាប់លឺដំណឹងថា Lewandowski ចង់ផ្ទេរមកកាន់ Bernabeu ទៀតនោះដែរ ផ្ទុយទៅវិញលោកកាន់តែមានឈ្មោះបោះសំឡេងខ្លាំងតាមរយៈការរកគ្រាប់បាល់បញ្ចូលទីបានរាប់ភ្លេចក្នុងមួយរដូវកាល តួយ៉ាងដូចរដូវកាល ១៩/២០ រកបាន ៤៥ គ្រាប់និង Assist ៥ លើកហើយឲ្យក្លឹបយក្សអាល្លឺម៉ង់៕
ប្រភព៖ BR/Football
