ក្រុមយក្ស Bayern Munich កំពុងនាំមុខក្រុម Chelsea ក្នុងការទិញយកខ្សែប្រយុទ្ធ Kai Havertz ពីក្រុម Bayer Leverkusen នៅរដូវក្ដៅខាងមុខនេះ។
Kai Havertz កំពុងឡើងជើងខ្លាំងមែនទែននៅលីគកំពូលអាល្លឺម៉ង់។ កីឡាករវ័យក្មេងនេះ ត្រូវបានក្រុមជាច្រើនប្រជែងគ្នា ក្នុងនោះក៏មាន Chelsea មួយផងដែរ ដែលចេញមុខខ្លាំងជាងគេ។ តែក្រោយពីវត្តមានរបស់ Bayern Munich ចូលរួមប្រជែងដែរ ពេលនេះក្រុមយក្សរបស់អាល្លឺម៉ង់ហាក់ដូចជានាំមុខគេទៅហើយ ក្នុងការទិញយកកីឡាករជម្រើសជាតិអាល្លឺម៉ង់នេះ។
ក្រុម Bayern រំពឹងថានឹងអាចយកបាន Havertz នៅរដូវក្ដៅខាងមុខនេះ ដើម្បីចាប់ដៃគូជាមួយ Leroy Sane ដែលពួកគេរំពឹងថានឹងទិញបានពីក្រុម Manchester City ដូចគ្នា។ កីឡាករអាល្លឺម៉ង់ទាំងពីរនាក់នេះ អាចនឹងក្លាយជាដៃគូប្រយុទ្ធថ្មីសម្រាប់ក្រុមយក្សអាល្លឺម៉ង់នៅពេលខាងមុខ៕ប្រភព Dailymail
