ខ្សែបម្រើប្រយុទ្ធ Philippe Coutinho ចង់ចាកចេញពីក្រុម FC Barcelona ទៅលេងនៅក្រុម Liverpool វិញហើយ ក្រោយពីលេងមិនជោគជ័យនៅអេស្ប៉ាញ។
ទើបតែ២ឆ្នាំប៉ុណ្ណោះដែល Coutinho ផ្លាស់ចេញពីក្រុមហង្សក្រហមទៅ Barcelona ក្នុងតម្លៃខ្លួនជាង១០០លានផោន។ តែដោយសារមិនជោគជ័យនៅទឹកដីអេស្ប៉ាញ ទើបពេលនេះកីឡាករប្រេស៊ីលខាងលើចង់មករួមរស់ជាមួយលោក Klopp វិញហើយ។ ប្រភពមួយចំនួនបានបញ្ជាក់ថា Coutinho បានសុំលោក Klopp មកវិញដោយខ្លួនឯង។ ការត្រលប់មកវិញនេះដែរ រូបគេនឹងកាត់ប្រាក់ឈ្នួលខ្លះថែមទៀតផងដែរ ធ្វើយ៉ាងណាឱ្យតែបានត្រលប់មកវិញ Anfield វិញ។
តែយ៉ាងណាមិញ ក្រុម Barcelona មិនទម្លាក់តម្លៃខ្លួនរបស់ Coutinho មកទាបពេកនោះទេ។ ពួកគេទាមទារយក៨០លានអឺរ៉ូ ពីក្រុមណាដែលចង់បានខ្សែបម្រើប្រយុទ្ធរូបនេះទៅ។ តម្លៃដល់ទៅ៨០លានអឺរ៉ូនេះហើយ ទើបបានជាគ្មានក្លឹបណាមួយហ៊ានចូលខ្លួនទិញយក៕ប្រភព Marca
