Luka Modric កន្លងទៅនេះបាននិយាយប្រាប់សារព័ត៌មាន La Gazzetta dello Sport ពាក់ព័ន្ធនឹងមិត្តចាស់ Cristiano Ronaldo ក្រោយកីឡាករព័រទុយហ្គាល់បានចាកចេញទៅចូលរួមនៅទ្រនំថ្មី Juventus អស់រយៈពេល ២ ឆ្នាំមកហើយ។
ខ្សែបម្រើក្រូអាតបានប្រាប់ថា៖ “និយាយពីកីឡាករដ៏សំខាន់មួយរូបសម្រាប់ខ្ញុំ គឺ Ronaldo ហ្នឹងហើយដែលជាកីឡាករដ៏អស្ចារ្យបំផុត ហើយយើងពិតជានឹកដល់គ្រាប់បាល់របស់គេ និងអត្តចរិតរបស់គេកាលនៅ Real ដោយ Cristiano តែងតែចង់ឈ្នះ ហើយគេបានបំផុសទឹកចិត្តពួកយើងដូចគ្នា”។
បញ្ជាក់ថា Modric ឈានដល់វ័យ ៣៤ ឆ្នាំហើយ ដោយឡែកបើជជែកពីអនាគតរបស់លោកផ្ទាល់ លោកបាននិយាយថា៖ “ខ្ញុំច្បាស់ថាខ្លួនខ្ញុំអាចលេងនៅកម្រិតខ្ពស់មួយរយៈពេល ២ ឆ្នាំបន្ថែមទៀត ដោយខ្ញុំចង់បញ្ចប់អាជីពនៅ Real តែការសម្រេចក៏ស៊ីសងលើភាគីខាងក្លឹបដែរ”៕
ប្រភព៖ AF
