ប្រកួត​យប់មិញ Zidane ក្លាយ​ជា​គ្រូ​ទី ៣ ដឹកនាំ Real ច្រើន​ប្រកួត​បំផុត ចុះ​ធ្លាប់​ឈ្នះ​ប៉ុន្មាន​លើក​ហើយ?

Real Madrid បាន​យក​ឈ្នះ​ទៅ​លើ Eibar នៅ​លទ្ធផល ៣-១ ហើយ​នោះ​គឺ​ជា​ប្រកួត​ទី ១៣២ ដែល Zinedine Zidane បាន​ដឹកនាំ​ឲ្យ​ក្រុម​ទទួល​​បាន​ជ័យជម្នះ​នៅ​ប្រកួត​សរុប​ទី ២០០ របស់​លោក ជាមួយ​នាម​ជា​អ្នកចាត់ការ​ក្លឹប​ស្តេច​ស។

Zidane បាន​ក្លាយ​ជា​អ្នកចាត់ការ​ទី ៣ នៅ​ប្រវត្តិសាស្រ្ត​ក្លឹប ដែល​ដឹកនាំ​ច្រើន​ជាង​ ២០០ ប្រកួត បន្ទាប់​ពី​លោក Vicente del Bosque ២៣៣ ប្រកួត និង Migue Munoz ៥៩៥ ប្រកួត។

បញ្ជាក់​ថា​ជាមួយ Real Madrid អស់​ជា​ច្រើន​ឆ្នាំ​មក​នេះ អ្នកចាត់ការ​បារាំង​ធ្លាប់​ឈ្នះ​ពាន​ធំ ៥ ជាមួយ​ក្លឹប​រួម​មាន​ដូច​ជា​ពាន UEFA Supercup ២ លើក, FIFA Club World Cup ២ លើក, Spanish Super Cup ២ លើក, LaLiga ១ លើក, Champions League ៣ លើក និង​ពាន​បុគ្គល World’s Best Club Coach ២ លើក​ផង​ដែរ៕

ភ្ជាប់ទំនាក់ទំនងជាមួយ CTS SPORT