Vinicius ៖ ​ខ្ញុំ​អាច​ទៅ​ក្លឹប​ជា​ច្រើន ប៉ុន្តែ​ខ្ញុំ​យក Real Madrid ​ជា​ល្អ​ជាង​គេ​លើ​លោក

Vinicius ​ជា​ខ្សែ​ប្រយុទ្ធ​វ័យ​ក្មេង​របស់ Real Madrid ​ដែល​បាន​ទិញ​យក​ប៉ុន្មាន​ឆ្នាំ​មក​ហើយ ​ទើប​តែ​បង្ហាញ​វត្តមាន​ជា​ផ្លូវការ​នៅ​រដូវកាល​នេះ​ឯង។

កីឡាករ​ប្រេស៊ីល​រូប​នេះ ​ត្រូវ​បាន​គេ​ប្រដូច​ទៅ​នឹង Neymar 2 ​ដែល​មាន​សមត្ថភាព​មិន​ធម្មតា​ឡើយ។ កីឡាករ​វ័យ​១៨​ឆ្នាំ​រូប​នេះ ​បាន​និយាយ​ក្នុង​ថ្ងៃ​បង្ហាញ​ខ្លួន​ដំបូង​ថា​៖ “ខ្ញុំ​ដឹង​ថា​មក​ទី​នេះ ​ការ​បាន​លេង​១១​នាក់​ដំបូង​មិន​ងាយ​ស្រួល​ទេ ប៉ុន្តែ​ខ្ញុំ​ត្រៀម​ខ្លួន​រួច​ហើយ។ ខ្ញុំ​អរគុណ​ដល់​គ្រួសារ​របស់​ខ្ញុំ​ដែល​បាន​ផ្ដល់​ក្ដី​ស្រមៃ​ក្លាយ​ជា​ការ​ពិត​នេះ ​ខ្ញុំ​នឹង​មិន​ធ្វើ​ឱ្យ​ពួកគាត់​អស់​សង្ឃឹម​ទេ។ ខ្ញុំ​នឹង​នៅ Madrid ​ហើយ​ខ្ញុំ​ព្យាយាម ​ហើយ​ពួកគេ​ជា​អ្នក​សម្រេច​ថា​ខ្ញុំ​ត្រូវ​លេង​ជាមួយ​ក្រុម Castilla ​សិន ​ឬ​ចូល​លេង​ឈុត​ធំ​តែ​ម្ដង”។

យុវជន​ថ្នាល​របស់ ​Flamengo ​រូប​នេះ ​ត្រូវ​បាន​ Real Madrid ​ទិញ​យក​ក្នុង​តម្លៃ​ខ្លួន​៤០​លាន​អឺរ៉ូ កាល​ពី​ដើម​ឆ្នាំ​២០១៧​កន្លង​ទៅ ប៉ុន្តែ​បាន​ទុក​ឱ្យ​រូបគេ​លេង​នៅ​ក្លឹប​ចាស់​សិន​មិន​ទាន់​យក​មក​អេស្ប៉ាញ​ទេ។ ​ក្រោយ​ពី​រង់ចាំ​ឱ្យ​រូបគេ​ឈាន​ដល់​១៨​ឆ្នាំ​ហើយ ​ពេល​នេះ Real Madrid ​បាន​នាំ​រូបគេ​មក​ទឹកដី​របស់​ខ្លួន ​ហើយ​រំពឹង​ថា​នឹង​បាន​បង្ហាញ​ខ្លួន​ក្នុង​ប្រកួត​មិត្តភាព​មុន​បើក​រដូវកាល​ថែម​ទៀត​ផង៕ប្រភព៖ MARCA

 

 

ភ្ជាប់ទំនាក់ទំនងជាមួយ CTS SPORT