ក្រុម PSG មិនបានបន្ដកុងត្រាឱ្យ Thiago Silva ដែលជាប្រធានក្រុមរបស់ខ្លួនឡើយ ដូច្នេះខ្សែការពាររូបនេះនឹងអាចដើររកក្លឹបលេងបន្ដដោយខ្លួនឯងបាន។
មានក្លឹបជាច្រើនកំពុងទាក់ទងចរចាជាមួយសាមីខ្លួន Silva ដើម្បីហៅមកលេង។ ក្នុងនោះក៏មានក្រុម Spurs មួយផងដែរនៅអង់គ្លេស។ លោក Jose Mourinho ដែលជាអ្នកចាត់ការក្រុមនេះ ពេញចិត្តកីឡាករប្រេស៊ីលវ័យជ្រេខាងលើនេះ ដើម្បីមកចូលរួមក្រុមនៅរដូវកាលក្រោយ។ ដោយលោក Jose ចង់យក Silva នេះ មកជំនួសតំណែងរបស់ Jan Vertonghen។
ខ្សែការពារវ័យ៣៥ឆ្នាំខាងលើ លេងឱ្យក្រុម PSG តាំងពីឆ្នាំ២០១២មក ដោយបង្ហាញខ្លួនបាន២០៤ប្រកួត និងជួយក្រុមរកបាន៩គ្រាប់ដែរក្នុងនាមជាខ្សែការពារ។ កីឡាករជម្រើសជាតិប្រេស៊ីលនេះ អស់កុងត្រាជាមួយក្រុម PSG នៅត្រឹមខែនេះហើយ ដូច្នេះរូបគេអាចទៅរកក្លឹបថ្មីលេងបាន ដែលជាការសម្រេចចិត្តដោយខ្លួនឯង៕ប្រភព Dailymail