ក្រុម Spurs របស់លោក Jose Mourinho ចង់ខ្ចីជើងខ្សែបម្រើ Aaron Ramsey ពីក្រុម Juventus នៅរដូវកាលក្រោយនេះ បន្ទាប់ពីក្លឹបនៅអ៊ីតាលីចង់លក់ចេញ។អតីតកីឡាករ Arsenal បានផ្លាស់ទៅលេងនៅ Juventus កាលពីរដូវកាលមុន ប៉ុន្តែមិនអាចបង្ហាញសមត្ថភាពលេចធ្លោនោះទេ ដោយសារតែបញ្ហារបួសញឹកញាប់។ កីឡាករវ័យ២៩ឆ្នាំ ដែលរកចំណូលបាន៤សែនផោនក្នុង១សប្ដាហ៍នៅ Turin នេះ ត្រូវក្លឹបចង់លក់ចេញវិញហើយនៅរដូវកាលក្រោយ ក៏ព្រោះថាតម្លៃពលកម្មខ្ពស់ ប៉ុន្តែធ្វើមិនបានល្អ។
ជាមួយដំណឹងចង់លក់ចេញវិញនេះ ក៏ស្រាប់តែក្រុម Spurs ចង់បានភ្លាមតែម្ដង។ ក្រុមរបស់លោក Jose Mourinho ចង់ខ្ចីជើងកីឡាករសញ្ជាតិវែលរូបនេះនៅរដូវកាលក្រោយ។ ដោយអាចនឹងមានលក្ខខណ្ឌទិញយកដាច់តែម្ដងផងដែរ។ Ramsey បានចំណាយពេល១១ឆ្នាំនៅក្រុម Arsenal ដោយលេងបាន៣៦៩ប្រកួត និងរកបាន៤០គ្រាប់៕
ប្រភព៖ DailyMail
