ក្លឹបតោខៀវ Chelsea មានទំនុកចិត្តក្នុងការបញ្ចុះបញ្ចូលឲ្យ Ben Chilwell មកចូលរួមនៅ Stamford Bridge ប្រសិនពួកគេអាចរក្សាតំណែង Top 4 ក្នុងការត្រៀមលេង Champions League រដូវកាលក្រោយ។
ខ្សែការពារសញ្ជាតិអង់គ្លេសបានក្លាយជារ៉ាដាដ៏សំខាន់មួយសម្រាប់តោខៀវយូរណាស់មកហើយ ដោយនេះគឺជាគោលដៅធំបំផុតទី ៣ បន្ទាប់ពីការនាំយក Hakim Ziyech និងការគ្រោងចង់បាន Timo Werner ចេញពី RB Leipzig។
បញ្ជាក់ថាក្រុមរបស់លោក Lampard បច្ចុប្បន្នកំពុងមាន ៤៨ ពិន្ទុឈរនៅលេខ ៤ សេសសល់ ៩ ជុំទៀតដើម្បីសម្រេចក្រុមបានកៅអីលេង UCL ខណៈ Man Utd កំពុងប្រកៀកយ៉ាងខ្លាំងដោយចាញ់ត្រឹម ៣ ពិន្ទុប៉ុណ្ណោះ។
បញ្ជាក់ថា Chilwell មានតម្លៃខ្លួនប្រមាណ ៤០ លានអឺរ៉ូ ដោយគេសេសសល់កុងត្រាជាមួយ Leicester ដល់ឆ្នាំ ២០២៤។ រដូវកាល ២០១៩/២០ កីឡាករអង់គ្លេសរកបាន ២ គ្រាប់និង Assist ៤ លើកនៅ ២៨ ប្រកួតសរុបឲ្យកញ្ជ្រោងខៀវ៕
ប្រភព៖ AF
