ក្រុម FC Barcelona នឹងប្រកួតជាមួយក្រុម Mallorca នៅម៉ោង៣រំលងអាធ្រាត្រយប់នេះ ក្នុងការប្រកួត La Liga ដែលទើបបើកដំណើរការវិញ។សម្រាប់ការប្រកួតនេះដែរ ក្រុម Barcelona បានត្រៀមខ្លួនជាស្រេចហើយ ដោយមិនមានបញ្ហាកីឡាកររបួសនោះទេ។ ទាំង Lionel Messi និង Suarez សុទ្ធតែបានហាត់ពេញលេញតែម្ដង ហើយក៏មិនមានបញ្ហាចោទដែរ។ ពួកគេទាំងពីរនាក់ អាចដាក់លេងបាន បើសិនជាលោក Setien ចង់ដាក់ឱ្យលេងទាំងពីរនាក់នៅជម្រើស១១នាក់ដំបូង។
អ្នកចាត់ការក្រុមអ្នកមានបុណ្យបាននិយាយថា៖ “Suarez ត្រៀមជាស្រេចសម្រាប់ការចាប់ផ្ដើមជម្រើសដំបូង ប៉ុន្តែខ្ញុំមិនទាន់គិតថាគាត់អាចលេងបានពេញ៩០នាទីនោះទេ។ យើងនឹងមិនប្រថុយឡើយ ព្រោះរូបគេអវត្តមាន៥ខែមកហើយ។ Messi របស់យើងក៏មិនមានបញ្ហាដែរ គាត់អាចលេងបានសម្រាប់ប្រកួតនៅយប់នេះ”៕
ប្រភព៖ Marca