ភ្នាក់ងារ​របស់ Ramos និយាយ​បែប​ណា ជុំវិញ​អនាគត​នៅ Real Madrid?

Rene Ramos គឺ​ជា​ភ្នាក់ងារ​របស់​ខ្សែ​ការពារ Sergio Ramos ថ្មីៗ​នេះ​បាន​ទម្លាយ​ពី​អនាគត​របស់​កីឡាករ​អេស្ប៉ាញ ជាមួយ​នឹង​ក្លឹប Real Madrid។

កុងត្រា​របស់​គេ​សេសសល់​ត្រឹម​រយៈ​ពេល ១២ ខែ​ទៀត​ប៉ុណ្ណោះ​ជាមួយ​នឹង​ក្លឹប​អធិរាជ​ស ហើយ​បើ​តាម​ការ​បញ្ជាក់​ពី​ភ្នាក់ងារ​គឺ​មក​ទល់​បច្ចុប្បន្ន​មិន​ទាន់​មាន​ការ​ចរចា​កុងត្រា​ថ្មី​ណា​មួយ​នៅ​ឡើយ តែ​លោក​ជឿ​ថា​មាន​ភាគរយ​ខ្ពស់​ដែល Ramos អាច​នឹង​បន្ត​ច្រើន​ជាង​ការ​ចាកចេញ។

ប្រាប់ Radio Marca លោក​និយាយ៖ “ខ្ញុំ​សង្ឃឹម​យ៉ាង​មុតមាំ​ថា Ramos គាត់​នឹង​ចូល​និវត្ត​នៅ Real Madrid ដោយ​វា​ជា​ក្តី​ស្រមៃ​របស់​គាត់ ហើយ​ខ្ញុំ​យល់​ថា​ក្លឹប​ក៏​ចង់​បាន​បែប​ហ្នឹង​ដូច​គ្នា”៕

លោក​សង្កត់​ធ្ងន់៖ “មក​ទល់​ពេល​នេះ​យើង​មិន​ទាន់​បាន​និយាយ​អ្វី​ទាំង​អស់ តែ​ប្រសិន​ណា​ក្លឹប​បើក​ការ​ពិចារណា​ណា​មួយ នោះ​យើង​នឹង​ចាប់​ផ្តើម​ពិភាក្សា​ជាមួយ​ភាគី​ក្លឹប​ចំពោះ​រឿង​នេះ​ដូច​គ្នា”។ បញ្ជាក់​ថា Ramos ​បង្ហាញ​ខ្លួន​សរុប ៦៤០ ប្រកួត​ទាំង​ក្នុង​និង​ក្រៅ​ក្របខ័ណ្ឌ​ឲ្យ​ក្លឹប Real Madrid៕

ប្រភព៖ Sportsmole

ភ្ជាប់ទំនាក់ទំនងជាមួយ CTS SPORT