អតីតកីឡាករជើងចាស់របស់ Liverpool គឺលោក Steve McManaman បានបង្ហាញការយល់ឃើញថា អ្នកចាត់ការលោក Jurgen Klopp ប្រសិនចាកចេញពី Liverpool នៅថ្ងៃខាងមុខនោះ នោះក្លឹបបន្ទាប់របស់លោកគឺមានភាគរយខ្ពស់ប្រាកដជា Bayern Munich។
អ្នកចាត់ការវ័យ ៥២ ឆ្នាំបានមកចូលរួមនៅ Merseyside នាឆ្នាំ ២០១៥ ក្រោយចាកចេញពី Borussia Dortmund តែសម្រាប់ McManaman បែរជាជឿជាក់ថា Klopp នឹងត្រលប់ទៅដឹកនាំក្លឹបគូប្រជែងរបស់លោកទៅវិញ។
ប្រាប់ DailyStar លោក McManaman និយាយ៖ “ខ្ញុំគិតថា Klopp គាត់ពិតជាស្រលាញ់ Liverpool និង Premier League ណាស់ តែខ្ញុំនៅតែមើលឃើញពីការវិលត្រលប់របស់គាត់ទៅទឹកដីអាល្លឺម៉ង់វិញ និងដឹកនាំក្លឹប Bayern Munich”។
លោកសង្កត់ធ្ងន់៖ “កាលពីប៉ុន្មានឆ្នាំមុន Bayern អាចថារាងពិបាក តែពេលនេះក្លឹបមានកីឡាករពោរពេញដោយបទពិសោធន៍ច្រើន ដែលសុទ្ធសឹងតែជាយុវជនស្រេកឃ្លាននូវជ័យជម្នះ”៕
ប្រភព៖ SoccerLaduma