Cristiano Ronaldo កន្លងទៅនេះ បានលេចលឺចចាមអារ៉ាមថាលោកអាចនឹងចាកចេញពីក្លឹប Juventus ហើយជុំវិញទ្រនំបន្ទាប់នៅតែជាមន្ទិលសង្ស័យសម្រាប់អ្នកគាំទ្រដដែល។
ទន្ទឹមនឹងភាពក្តៅគគុកនេះ យើងសូមបង្ហាញទ្រនំថ្មី ៣ ដែលមានភាគរយខ្ពស់បំផុតសម្រាប់ CR7 នៅពេលខាងមុខ៖
១.PSG
កន្លងទៅ ប្រធានក្លឹបសេដ្ឋីបារាំងលោក Alkhelafi ក៏ធ្លាប់សរសើរមិនដាច់ពីមាត់ផងដែរ ដល់សមត្ថភាពកីឡាករព័រទុយហ្គាល់ ណាមួយលីគបារាំងគឺជាលីគមួយផ្សេងទៀត ដែល Ronaldo មិនទាន់បានប្រកបអាជីព បន្ទាប់ពីលីគ Premier League, LaLiga និង Serie A។
២.MLS
ការផ្ទេរទៅក្របខ័ណ្ឌអាមេរិក MLS ក៏ជាទ្រនំមានភាគរយខ្ពស់មួយផ្សេងទៀត ព្រោះនៅទីនោះអាចផ្តល់ឲ្យ Ronaldo នៅប្រាក់ពលកម្មកប់ពពក ហើយមានពេលវេលាដើរកម្សាន្តដែលរាងធូរស្បើយការងារជាងនៅលីគក្តៅគគុកក្នុងតំបន់អឺរ៉ុបទៀតផង។ នៅលីគ MLS ចាប់តាំងពី David Beckham ផ្ទេរមកនៅឆ្នាំ ២០០៧ មិនទាន់មានតារាល្បីឈ្មោះណាទៀតមកចូលរួមឡើយ បើមិនរាប់ Zlatan Ibrahimovic ឬ Wayne Rooney ម្នាក់ទៀត។
៣.ការវិលត្រលប់ទៅប្រទេសកំណើត
Sporting Lisbon គឺជាទ្រនំក្លឹបបាល់ទាត់ដំបូងដែលបានបណ្តុះ Ronaldo ឲ្យមានជោគជ័យទល់ថ្ងៃនេះ អ៊ីចឹងប្រសិន CR7 ចង់ត្រលប់ទៅស្រុកកំណើត ហើយចង់បន្តអាជីពជាកីឡាករបាល់ទាត់ទៀតនោះ មានតែ Sporting Lisbon នេះឯងដែលសក្តិសមបំផុតសម្រាប់លោក៕
ប្រភព៖ SoccerLaduma
