ខ្សែការពារ Virgil van Dijk នឹងក្លាយជាកីឡាករមានប្រាក់ឈ្នួលខ្ពស់បំផុតនៅក្រុម Liverpool ប្រសិនណាបើរូបគេព្រមបន្ដកុងត្រា៥ឆ្នាំថ្មីទៀត។ក្រុមហង្សក្រហមកំពុងព្យាយាមចរចាដើម្បីបន្ដកុងត្រាដល់ខ្សែការពារហុល្លង់បន្ថែម៥ឆ្នាំទៀត។ ដោយកុងត្រាថ្មីនោះ នឹងផ្ដល់ប្រាក់ឈ្នួលដល់រូបគេ ២២០ ០០០ផោនក្នុង១សប្ដាហ៍។ តម្លៃពលកម្មនេះ បានធ្វើឱ្យរូបគេក្លាយជាកីឡាករមានប្រាក់ឈ្នួលខ្ពស់បំផុតក្នុងក្រុម Liverpool ហើយ។
Van Dijk បច្ចុប្បន្នមានតម្លៃពលកម្ម១៨០ ០០០ផោនក្នុង១សប្ដាហ៍។ ក្រោយពីលេងបានយ៉ាងល្អ២រដូវកាលមកនេះ មានក្លឹបជាច្រើនចាប់អារម្មណ៍លើរូបគេ ជាពិសេសគឺ PSG តែម្ដង។ ក្លឹបមានអ្នកនៅបារាំងនេះ បានផ្ដល់តម្លៃពលកម្មដល់រូបគេ ២៨០ ០០០ផោនក្នុង១សប្ដាហ៍ប្រសិនបើចូលរួមជាមួយគេ។ ដោយដឹងបែបនេះហើយ ទើបបានជាក្រុមលោក Klopp ចង់បន្ដកុងត្រាថ្មី ដើម្បីចងជើងកីឡាករខ្លួនមិនឱ្យទៅណាទៀតបាន៕
ប្រភព៖ DailyMail