ក្រុមបាល់ទាត់ CFA បើកការប្រកួតមិត្តភាពសប្បុរសធម៌រៃអង្គាសប្រាក់ដើម្បីជួយដល់ក្មេងស្រីមានជំងឺហើមជើង

ក្រុម​បាល់ទាត់ Cambodian Fan Club All Stars ហៅ​កាត់ CFA ​បាន​ប្រកាស​ថា​នឹង​រៀបចំ​ការ​ប្រកួត​មិត្តភាព​សប្បុរសធម៌​មួយ​នៅ​ព្រឹក​ថ្ងៃ​អាទិត្យ ទី ១៤ ខែ​មិថុនា ចុង​សប្ដាហ៍​នេះ ​ក្នុង​គោលដៅ​រៃអង្គាស​ថវិកា​ជួយ​ដល់​ប្អូនស្រី ស៊ាន ស្រីនិច្ច ជា​ក្មេង​មាន​ជីវភាព​ក្រីក្រ​ត្រូវ​ការ​លុយ​វះកាត់​ជើង​ម្ខាង​ដែល​កំពុង​សម្រាក​នៅ​មន្ទីរពេទ្យ​កុមារ​ជាតិ។

ក្រុមបាល់ទាត់ CFA

តាម​រយៈ​ការ​បញ្ជាក់​ពី​លោក អៃ សំអូន តំណាង​ឲ្យ CFA បាន​បង្ហើប​ថា៖ “កុមារី​អាយុ ១៣ ឆ្នាំ​ខាង​លើ រស់នៅ​ក្នុង​ស្រុក​ទ្រាំង ខេត្ត​តាកែវ ដោយ​ប្អូន​ស្រី​បាន​មាន​ជំងឺ​ហើម​ជើង​នេះ​តាំង​ពី​កំណើត​មក​ម្ល៉េះ តែ​មួយ​រយៈ​ក្រោយ​កាន់​តែ​រាលដាល​ធំ​ឡើងៗ​ដែល​តម្រូវ​ឲ្យ​ទទួល​ការ​វះកាត់ ប៉ុន្តែ​ខ្វះខាត​ថវិកា”។

ស្ថានភាពកុមារី ស៊ាន ស្រីនិច្

ស្ថានភាពកុមារី ស៊ាន ស្រីនិច្

ស្ថានភាពកុមារី ស៊ាន ស្រីនិច្

បែប​នេះ​មិន​ថា​តែ​អ្នក​គាំទ្រ​វិស័យ​កីឡា​បាល់ទាត់​ឬ​អត់​នោះ​ទេ បងប្អូន​អាច​ចូលរួម​នៅ​សកម្មភាព​សប្បុរសធម៌​នេះ​បាន​ជាមួយ​នឹង​ក្រុម​បាល់ទាត់ CFA តាម​រយៈ​ការ​ផ្ញើ​ថវិកា​ក្នុង​ប្រព័ន្ធ​ធនាគារ ABA (លេខ​គណនី៖ 001 061334 ឈ្មោះ Aiy Somoun) និង​ ACELEDA ទាន់​ចិត្ត (លេខ​ទូរសព្ទ៖ 096 225 0588)។

រំឭក​ថា​ចំពោះ​ការ​ប្រកួត​របស់ CFA នឹង​ធ្វើ​ឡើង​ក្នុង​កីឡដ្ឋាន កង​យោធពល​ខេមរភូមិន្ទ (ស្តាត​ចាស់) ទល់​ក្រុម​បាល់ទាត់ យុវជន​ភូមិ​ខ្ទរ នា​វេលា​ម៉ោង ០៨:០០ នាទី​ព្រឹក​ត​ទៅ។ បងប្អូន​ក៏​អាច​ទស្សនា​បាន​តាម​រយៈ​ការ​ផ្សាយ​ផ្ទាល់​លើ​បណ្តាញ​សង្គម​ទំព័រ Veha Media ផង​ដែរ!

ភ្ជាប់ទំនាក់ទំនងជាមួយ CTS SPORT