ប្រកួតនៅក្របខ័ណ្ឌ UEFA Champions League បានជាប់គាំងត្រឹមជើងទី ២ វគ្គ ១៦ ក្រុមចុងក្រោយសម្រាប់ជំនួបខ្លះ ហើយគិតមកទល់ពេលនេះគឺខកខានអស់រយៈពេលជិត ៣ ខែមកហើយ។
តាមរបាយការណ៍ចុងក្រោយពី AS បានចុះផ្សាយនូវកាលបរិច្ឆេទគួរឲ្យទុកចិត្តមួយសម្រាប់ការវិលត្រលប់មកវិញនៃព្រឹត្តិការណ៍ពានរង្វាន់អឺរ៉ុបមានដូចខាងក្រោម៖
- បញ្ចប់វគ្គ ១៦ ក្រុមចុងក្រោយ: នៅថ្ងៃទី ៨/៩ សីហា
- ចាប់ផ្តើមប្រកួតវគ្គ ៨ ក្រុម (នៅព័រទុយហ្គាល់): នៅថ្ងៃទី ១២ សីហា
- ប្រកួត UCL វគ្គផ្តាច់ព្រ័ត្រ: នៅថ្ងៃទី ២៣ សីហា
តាមរយៈកាលបរិច្ឆេទនេះគឺយើងមើលឃើញថា មានរយៈពេលខ្លីមិនដល់ ២០ ថ្ងៃនោះទេ ពោលគឺជាង ២ សប្តាហ៍ប៉ុណ្ណោះ។ ទម្រង់នេះយើងអាចព្យាករណ៍ថាទំនងជាក្លឹបទាំងអស់ត្រូវបញ្ចប់រដូវកាលនៅលីគរៀងខ្លួនជាមុនសិន សឹមមកសម្រុកបញ្ចប់ការលេងជម្រុះដល់ក្រុមឈ្នះពាន ហើយក្រុមដែលហាលអាវត្រូវបានសម្រាកមុន រីឯក្រុមដែលត្រូវឡើងទៅវគ្គបន្ត នឹងត្រូវលេងជាប់ច្រើនប្រកួតថែមទៀត៕
ប្រភព៖ AS