បន្ទាប់ពីយកឈ្នះទៅលើ Frankfurt នៅវគ្គ ៤ ក្រុមចុងក្រោយនៃពាន DFB-Pokal កាលពីពេលថ្មីៗនេះ ក្លឹប Bayern Muncih បានប្រែក្លាយជាក្រុមមួយផ្សេងទៀត ដែលមានភាគរយអាចឈ្នះពានរង្វាន់ ៣ ប្រចាំរដូវកាលទោល។
Bayern Munich នៅមានសង្ឃឹមឈ្នះពានក្នុងក្របខ័ណ្ឌ Bundesliga, ពាន UEFA Champions League និងពាន DFB-Pokal។ ស្របពេលដែលពីរក្រុមផ្សេងទៀតមាន Juventus ដែលនៅសង្ឃឹមឈ្នះពាន Serie A, Champions League និង Coppa Italia រីឯ PSG (ឈ្នះពាន Ligue 1) ក៏សង្ឃឹមឈ្នះពានពីរផ្សេងទៀតដូចជា Champions League និង Coupe de France ដែលត្រូវលេងតតាំង Saint-Etienne។
បញ្ជាក់ថាការប្រកួតសម្រាប់ Juventus នៅ Coppa Italia នឹងដឹងលទ្ធផលក្រុមឆ្ពោះទៅវគ្គចុងក្រោយនៅថ្ងៃសោរ៍នេះ រីឯពាន Coupe de France មិនទាន់មានការប្រកាសច្បាស់ការណាមួយនៅឡើយពីកាលបរិច្ឆេទប្រកួត៕
ប្រភព៖ Marca