លោក Ole នឹងដាក់ខ្សែបម្រើ Pogba លេងនៅតំណែងលេខ១០ ដោយមានសេរីភាពជាងមុន នៅពេលការប្រកួត Premier League បើកវិញខាងមុខនេះ។
ក្រុមបិសាចក្រហម Manchester United ហាក់ដូចជាពេញជើងល្អមែនទែនសម្រាប់ការត្រៀមបើកលីគអង់គ្លេសឡើងវិញនេះ។ កីឡាករបួសដូចជា Pogba សុទ្ធតែអាចចូលលេងបានវិញទាំងអស់ ដែលធ្វើឱ្យលោក Ole កាន់តែមានទំនុកចិត្តសម្រាប់ការចូលលេងជាថ្មីនេះ។ ជាក់ស្ដែង ក្នុងការហ្វឹកហាត់កន្លងទៅ អ្នកចាត់ការក្រុមបិសាចក្រហម កំពុងស្វែងរកកន្លែងល្អបំផុតសម្រាប់កីឡាករ ដើម្បីដាក់ឱ្យលេង។
នៅពេលបើករដូវកាលវិញនៅថ្ងៃទី១៧ខែមិថុនាឆ្នាំ២០២០ខាងមុខនេះ លោក Ole គ្រោងនឹងដាក់ Pogba ឱ្យលេងនៅតំណែងលេខ១០តែម្ដង។ តំណែងនេះ នឹងធ្វើឱ្យកីឡាករបារាំងកាន់តែមានសេរីភាពជាងមុនទៅទៀតក្នុងការលេង។ ធ្វើបែបនេះ គឺដោយសារតែ Ole មើលឃើញថា Bruno គឺអាចរ៉ាប់រងបានហើយនៅតំបន់បម្រើ ការពារ ដែលកន្លងមកគឺជាតួនាទីរបស់ Pogba ។ មួយវិញទៀត ខ្សែបម្រើព័រទុយហ្គាល់ក៏នឹងជំរុញការប្រយុទ្ធរបស់ Pogba កាន់តែមុតស្រួចបន្ថែមទៀតដែរ៕ប្រភព៖ Dailymail