ច្បាប់នៅលើទីលានហ្វឹកហាត់សម្រាប់កីឡាករ Barcelona ទាំងអស់ ទៅលើតារាឆ្នើម Lioenl Messi គឺត្រូវធានាបានថាពួកគេនឹងមិនមានការបង្កកំហុសជាលក្ខណៈធ្ងន់ធ្ងរណាមួយ រហូតដល់ថ្នាក់ធ្វើឲ្យ M10 រងរបួសនោះទេ។
ការដាក់កំហិតនេះ ត្រូវបានទម្លាយចេញពីកីឡាករ Jean-Clair Todibo ដែលកំពុងខ្ចីជើងលេងឲ្យក្លឹប Shcalke បានប្រាប់ពាក់ព័ន្ធនឹងសកម្មភាពហ្វឹកហាត់ជាមួយ M10 លើទីលាន។
ប្រាប់សារព័ត៌មាន Bild កីឡាករ Todibo បញ្ជាក់៖ “យើងម្នាក់ៗដឹងច្បាស់ហើយថា Messi គាត់នឹងមិនត្រូវបានធ្វើឲ្យមានបញ្ហារបួសទេ ពោលគឺប្រព័ន្ធការពារពេលលេងតតាំងនឹង Messi នៅពេលហ្វឹកហាត់ គឺត្រូវទទួលបានការយកចិត្តទុកដាក់ខ្ពស់បំផុត”។
លោកបន្ថែម៖ “ខ្ញុំផ្ទាល់ក៏ធ្លាប់ឆក់យកបាល់ពីគាត់ប៉ុន្មានលើកដែរ តែម្តងៗនោះគឺខ្ញុំប្រយ័ត្នណាស់ ដោយមិនត្រូវឲ្យគាត់ទទួលរងការឈឺចាប់ណាមួយឡើយ”៕