ការប្រកួតនៅ La Liga នឹងបើកដំណើរការវិញនៅចុងសប្ដាហ៍នេះ ប៉ុន្តែលេងដោយគ្មានអ្នកគាំទ្រចូលទស្សនានោះទេ ដើម្បីការពារការឆ្លងមេរោគ Covid-19 ។
តែបើតាមថ្នាក់ដឹកនាំរបស់ La Liga វិញ ពួកគេសង្ឃឹមថានៅត្រឹមចប់ខែមិថុនានេះ ឬដើមខែក្រោយ អាចនឹងយល់ព្រមឱ្យមានអ្នកគាំទ្រ១/៣ អាចចូលមើលវិញបានហើយ។ ការអះអាងបែបនេះ គឺដោយសារតែអេស្ប៉ាញបានយកឈ្នះលើ Covid-19 ហើយ ក្រោយពីបានបិទប្រទេសជាច្រើនសប្ដាហ៍កន្លងទៅនេះ។
បច្ចុប្បន្ននេះ អត្រាឆ្លងនៅអេស្ប៉ាញ មានកម្រិតទាបខ្លាំងមែនទែន។ រដ្ឋាភិបាលអេស្ប៉ាញ បានបើកប្រទេសឡើងវិញ និងកន្លែងកម្សាន្តនានា ប៉ុន្តែតម្រូវឱ្យពលរដ្ឋទាំងអស់ត្រូវតែពាក់ម៉ាស់នៅពេលដើរចេញទៅក្រៅ។ ដោយមើលឃើញពីការគ្រប់គ្រងមេរោគ Covid-19 នេះបានហើយ ទើបបានជា La Liga ចង់ឱ្យមានអ្នកគាំទ្រខ្លះអាចចូលមើលការប្រកួតបាល់ទាត់នៅកីឡដ្ឋានផ្ទាល់បាន៕ប្រភព Marca
