លោក Michael O’Neill អ្នកចាត់ការក្រុម Stoke City រកឃើញវិជ្ជមាន Covid-19 ក្រោយពីធ្វើតេស្ដជាលើកចុងក្រោយកាលពីថ្ងៃចន្ទកន្លងទៅនេះ។
ក្រុម Stoke City មានគម្រោងប្រកួតមិត្តភាពជាមួយក្រុម Manchester United ប៉ុន្តែនៅពេលរកឃើញថាអ្នកចាត់ការក្រុមនេះផ្ទុក Covid-19 ទើបបានជាការប្រកួតមិត្តភាពនោះរំសាយចោលទៅវិញ។ ក្លឹប Stoke បានប្រកាសថាពេលនេះលោក Michael O’Neill មានសុខភាពល្អធម្មតាទេ ដោយលោកនឹងត្រូវសម្រាកព្យាបាលនៅផ្ទះសិន។ តែសម្រាប់ក្រុមទាំងមូលវិញ នៅបន្ដហ្វឹកហាត់ធម្មតា។
ក្លឹបលេងនៅក្របខណ្ឌទី២របស់អង់គ្លេសខាងលើនេះ បច្ចុប្បន្ននៅលេខរៀងទី១៧ក្នុងតារាង Championship ដោយមាន៣ពិន្ទុប៉ុណ្ណោះពីតំបន់ត្រូវកាត់ចោល។ ក្រុមនេះក៏កំពុងសម្រុកហ្វឹកហាត់ខ្លាំងដែរ ព្រោះការប្រកួតនឹងចាប់ផ្ដើមលេងវិញនៅថ្ងៃទី២០ខាងមុខនេះ៕ប្រភព Bbc
