ក្រុម​កីឡាករ Everton ​ព្រម​កាត់​ប្រាក់​ឈ្នួល​៥០​% ​រយៈ​ពេល​៣​ខែ​

​ក្រុម​កីឡាករ Everton ​បាន​យល់​ព្រម​កាត់​ប្រាក់​ឈ្នូល​៥០​% រហូត​ដល់​ទៅ​៣​ខែ​ខាង​មុខ​នេះ ដើម្បី​ជួយ​ក្លឹប​ដែល​កំពុង​ខ្វះខាត​ខ្លាំង​។

ដោយ​ឡែក​សម្រាប់​ក្រុម​គ្រូ​បង្វឹក​និង​បុគ្គលិក​វិញ ​បាន​យល់​ព្រម​កាត់​ប្រាក់​ឈ្នួល​៣០​%​ដែរ ​ដើម្បី​ជួយ​គ្នា​ទ្រទ្រង់​ក្លឹប Everton ​គេច​ផុត​ពី​ការ​លំបាក​គ្រា Covid-19 ​។ ​សម្រាប់​ការ​កាត់​ប្រាក់​ឈ្នួល​នេះ​ដែរ ​លោក Denise Barrett ​ប្រធាន​ប្រតិបត្តិ​របស់ Everton ​បាន​អរគុណ​ដល់​ក្រុម​កីឡាករ ​និង​បុគ្គលិក​ទាំង​អស់ ដែល​យល់​គ្នា​នៅ​ពេល​លំបាក​នេះ។ វា​ជា​ការ​បង្ហាញ​ពី​ទឹក​ចិត្ត​ស្រលាញ់ ​និង​ការ​យោគយល់​ទៅ​វិញ​ទៅ​មក ដែល​មាន​តម្លៃ​ខ្លាំង​ណាស់។

​រំលឹក​ថា ​ក្លឹប​នៅ​អង់គ្លេស ​ភាគ​ច្រើន​បាន​ស្នើ​សុំ​កីឡាករ​ដើម្បី​បាន​កាត់​ប្រាក់​ឈ្នួល​ខ្លះ ដើម្បី​សម្រួល​ដល់​ថវិកា​ចំណាយ​របស់​ក្លឹប។ ​ក្លឹប​ទាំង​អស់ ​បច្ចុប្បន្ន​កំពុង​មិន​មាន​ចំណូល​ឡើយ ​ព្រោះ​បាន​ផ្អាក​សកម្មភាព​៣​ខែ​មក​ហើយ ​ខណៈ​ដែល​ការ​បើក​ឱ្យ​លេង​លីគ​វិញ​ទៀត ក៏​គ្មាន​អ្នក​គាំទ្រ​ចូល​ទស្សនា​ដែរ៕ប្រភព Bbc

ភ្ជាប់ទំនាក់ទំនងជាមួយ CTS SPORT