ក្រុមបិសាចក្រហម Manchester United បានយកយុវជន Teden Mengi លេងនៅតំណែងខ្សែការពារ លើងមកឈុតធំហើយ ដើម្បីត្រៀមបើករដូវកាលវិញនេះ។
ត្រឹមវ័យ១៨ឆ្នាំ ខ្សែការពារកណ្ដាលរូបនេះក៏ធ្លាប់ត្រូវលោក Ole ផ្ដល់ឱកាសឱ្យមកឈុតធំផងដែរ ដោយកាលពីលេងនៅ Europa League ទល់ក្រុម Astana រូបគេក៏មានឈ្មោះ ប៉ុន្តែអង្គុយកៅអីបម្រុង។ Teden បានចូលហាត់ជាមួយក្រុមធំកាលពីថ្ងៃចន្ទកន្លងទៅ ហើយលេងបានយ៉ាងល្អ ទើបត្រូវចិត្តលោក Ole ដាក់ឈ្មោះចូលក្រុមធំ ត្រៀមបើករដូវកាលវិញតែម្ដង។
ខ្សែការពារខាងលើនេះ ជាប្រធានក្រុម U18 របស់ Man Utd ដែលជួយក្រុមឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ FA Cup Youth។ Teden ជារើយៗក៏មានឈ្មោះក្នុងក្រុម U23 ផងដែរ៕ប្រភព Dailymail