ក្រោយការមកដល់របស់កីឡាករ Mauro Icardi ពីក្លឹប Inter Milan លើកុងត្រាពេញលេញផ្លូវការ អនាគតរបស់ Edinson Cavani មើលឃើញហាក់កាន់តែមានមន្ទិលសង្ស័យឡើង ស្របពេលដែលកុងត្រាសេសសល់របស់គេក៏ត្រូវផុតនៅចុងខែមិថុនានេះ។
តាមការយល់ឃើញរបស់ Nicolas Anelka អតីតកីឡាករនៅ Chelsea បានជំរុញឲ្យ PSG គួរតែបន្តការចរចាតកុងត្រាឲ្យកីឡាករវ័យចំណាស់រូបនេះ ហើយថាការអនុញ្ញាតឲ្យគេចេញគឺជាកំហុសដ៏ធ្ងន់ធ្ងរមួយ។
Anelka និយាយ៖ “ការដែលឲ្យ Cavani ទៅគឺជាកំហុសដ៏ធំ ដោយគាត់ជាកីឡាករពាក់អាវលេខ ៩ ដែលអ្នកលែងបានឃើញទៀតហើយ គាត់ជាខ្សែប្រយុទ្ធកំពូល បែបនេះអ្នកកំពុងតែបង្កើតហានិភ័យក្នុងការប្រគល់គាត់ឲ្យទៅក្លឹបគូប្រជែង ព្រោះគាត់នឹងទៅចូលរួមនៅក្លឹបយក្សណាមួយជាមិនខាន”។
បញ្ជាក់ថា Cavani បានមកចូលរួមនៅ PSG អស់រយៈពេលច្រើនឆ្នាំមកហើយ ដោយអាចរាប់ជាវីរបុរសមួយរូបប្រចាំក្លឹបទៀតផង ព្រោះកំពុងនាំមុខរកបានគ្រាប់បាល់ច្រើនដាច់គេនៅប្រវត្តិសាស្រ្តក្លឹបសេដ្ឋីបារាំង៕
ប្រភព៖ Marca