ប្រធាន AT Madrid ​ជឿ​ជាក់​ក្រុម​ខ្លួន​អាច​ឈ្នះ UCL ​បាន​ឆ្នាំ​នេះ​

​លោក Enrique Cerezo ​ប្រធាន​ក្រុម Atletico Madrid ​មាន​ទំនុក​ចិត្ត​ថា​ក្រុម​របស់​ខ្លួន​នឹង​ឈ្នះ​ពាន​រង្វាន់ UEFA Champions League ​បាន​នៅ​រដូវ​កាល​នេះ​។

​ក្រុម AT Madrid ​លេង​នៅ​លីគ La Liga ​មិន​ល្អ​ខ្លាំង​នោះ​ទេ ប៉ុន្តែ​នៅ UEFA Champions League ​វិញ ​ពួកគេ​បាន​ទម្លាក់​ក្រុម​ការពារ​តំណែង​ជើង​ឯក Liverpool ​បាន​នៅ​វគ្គ​១៦​ក្រុម​ចុង​ក្រោយ​កន្លង​ទៅ។ ​ការ​លេង​បាន​ល្អ​នៅ UCL ​នេះ​ហើយ ទើប​បាន​ជា​ធ្វើ​ឱ្យ​លោក Cerezo ​ដែល​ជា​ប្រធាន​ក្លឹប​មាន​ក្ដី​សង្ឃឹម​ថា​នឹង​រក​ឃើញ​លទ្ធផល​ល្អ​មិន​ខាន​ក្នុង​ពាន​រង្វាន់​ធំ​បំផុត​នៅ​អឺរ៉ុប​ឆ្នាំ​នេះ​។

“យើង​ធ្វើ​បាន​ល្អ​ឆ្នាំ​នេះ ​យើង​អាច​ឈ្នះ Champions League ​បាន​ដោយ​គ្មាន​អ្នក​គាំទ្រ​។ ​វា​គួរ​តែ​ជា​ឆ្នាំ​របស់​យើង​ហើយ។ ​យើង​បាន​ចាប់​ផ្ដើម​មិន​ល្អ​ឡើយ​នៅ La Liga ​ប៉ុន្តែ​នៅ Champions League ​យើង​ធ្វើ​បាន​យ៉ាង​ល្អ។ នៅ​សល់​តែ​ប៉ុន្មាន​ប្រកួត​ទៀត​យើង​នឹង​ដល់​វគ្គ​ផ្ដាច់ព្រ័ត្រ ​នេះ​ជា​អ្វី​ដែល​យើង​ចង់​បាន”។ សម្ដី​របស់​លោក Cerezo ​ប្រធាន​ក្លឹប AT Madrid ៕ប្រភព Sportskeeda

ភ្ជាប់ទំនាក់ទំនងជាមួយ CTS SPORT