ប្រធានចាត់ការជាន់ខ្ពស់លោក Edwin van der Sar បានទម្លាយឲ្យដឹងថា ក្លឹប Real Madrid និង Manchester United ពិតជាចាប់អារម្មណ៍ក្នុងការចុះហត្ថលេខាចង់បានយុវជន Donny van de Beek របស់ Ajax ពិតមែន។
កីឡាករវ័យ ២៣ ឆ្នាំ គឺបានបង្ហាញទម្រង់លេងឡើងកូដខ្លាំងនៅរយៈពេលចុងក្រោយ ជួនពេលដែល De Ligt និង De Jong ទទួលបានភាពល្បីល្បាញប្រហែលគ្នា ពោលនៅឆ្នាំ ២០១៩ ពេលដែល Ajax ឡើងដល់វគ្គ ៤ ក្រុមចុងក្រោយ។
បញ្ជាក់ប្រាប់ពីអតីតអ្នកចាំទីនៅ United លោក Van der Sar ថា៖ “វាច្បាស់ណាស់ គឺក្លឹបដូចជា Real Madrid និង Man Utd បានចាប់អារម្មណ៍មកលើ Donny van de Beek ពិតមែន”។
កន្លងមកធ្លាប់មានរបាយការណ៍ថា Real គ្រោងនឹងបញ្ចប់ការចរចាតម្លៃខ្លួន ៤៩ លានផោនសម្រាប់កីឡាករហូឡង់រូបនេះទៅហើយ តែដោយសារវិបត្តិហិរញ្ញវត្ថុពេលវីរុស COVID-19 ចូលមកដល់ក៏ត្រូវដកថយទៅវិញ៕
ប្រភព៖ AF