អ្នកវាយមិនដកដៃ Conor McGregor បានប្រកាសចូលនិវត្តន៍ពីវិស័យ UFC ហើយ ដែលនេះជាការប្រកាសចូលនិវត្តន៍៣ដងក្នុងរយៈពេល៤ឆ្នាំចុងក្រោយនេះ។
Conor McGregor បានប្រកាសនៅលើបណ្ដាញសង្គម Twitter កាលពីថ្ងៃអាទិត្យកន្លងទៅនេះ។ រូបគេបានសរសេរថា៖ “អ្នកទាំងអស់គ្នា ខ្ញុំបានសម្រេចចិត្តចូលនិវត្តន៍ពីការប្រយុទ្ធហើយ។ អរគុណសម្រាប់ការគាំទ្រ និងការចង់ចាំដ៏ល្អកន្លងមក”។ អ្នកវាយក្នុងទ្រុងវ័យ៣១ឆ្នាំ អាចចាត់ទុកជាអ្នកជោគជ័យម្នាក់ ព្រោះរូបគេធ្លាប់ឈ្នះខ្សែក្រវាត់២កម្រិតផ្សេងគ្នាគឺ featherweight និង lightweight។
ក្នុងអាជីពជាអ្នកវាយក្នុងទ្រុងនេះ Conor រកប្រាក់បានដល់ទៅ២០០លានដុល្លារមកហើយ។ ខណៈដែលការប្រកាសចូលនិវត្តន៍វិញ គឺរូបគេបានប្រកាសដល់ទៅ៣ដងមកហើយក្នុងរយៈពេល៤ឆ្នាំចុងក្រោយមកនេះ៕ប្រភព Dailymail