ក្រុម Real Madrid ក៏ចង់បាន Kai Havertz ពីក្រុម Bayer Leverkusen ដែរ បន្ទាប់ពីបានឃើញសមត្ថភាពដ៏អស្ចារ្យរបស់កីឡាករវ័យក្មេងរូបនេះ។
ក្រុមរបស់លោក Zidane បានដាក់ចេញតម្លៃដំបូងឱ្យទៅ Bayer Leverkusen ៧១លានផោន ដោយមានទាំងលក្ខខណ្ឌឱ្យ Havertz បន្ដលេងនៅក្លឹបនេះ១រដូវកាលទៀតផងដែរ។ តែយ៉ាងណា មិនទាន់មានការឆ្លើយតបនោះទេ ត្បិតអីក្លឹបនៅអង់គ្លេសជាច្រើនទៀតក៏បានដាក់តម្លៃទិញយកខ្សែប្រយុទ្ធវ័យ២០ឆ្នាំនេះទៅដែរ។ កីឡាករអាល្លឺម៉ង់ខាងលើនេះ រកបាន១៥គ្រាប់ឱ្យក្រុម Bayer Leverkusen នារដូវកាលនេះ និងជួយក្រុមប្រជែងនៅកំពូលតារាងទៀត។
Havertz ក៏ទើបបានជាប់ជម្រើសជាតិអាល្លឺម៉ង់ដែរ ដោយលេងបាន៤ប្រកួត រកបាន៥គ្រាប់។ ខ្សែប្រយុទ្ធរូបនេះ គឺជាតារារះថ្មីនៅលីគអាល្លឺម៉ង់ និងក្នុងក្រុមជម្រើសជាតិអាល្លឺម៉ង់តែម្ដង៕ប្រភព Dailymail
