Hugo ‘Loco’ Gatti អតីតអ្នកចាំទីរបស់អាហ្សង់ទីន បាននិយាយថាខ្សែប្រយុទ្ធ Eden Hazard មានកម្រិតសមត្ថភាពលេងស្មើជាមួយ Lionel Messi ដែរ។
Gatti បាននិយាយថា៖ “ប្រសិនបើ Hazard ជាសះស្បើយពេញលេញ ដូចដែលខ្ញុំបានឃើញគេកាលពី World Cup 2018 គឺគាត់មានសមត្ថភាពស្មើជាមួយ Messi ដែរ។ ពួកគេទាំងពីរ សុទ្ធតែមានទេពកោសល្យអស្ចារ្យ។ Hazard នៅស្មើជាមួយ Messi ហើយវេលានឹងប្រាប់អ្នកគ្រប់គ្នាកាន់តែច្បាស់”។
រំលឹកថា Hazard បានផ្លាស់មកលេងនៅក្រុម Real Madrid កាលពីរដូវកាលមុន ប៉ុន្តែមិនទាន់បានបង្ហាញសមត្ថភាពលេចធ្លោនៅឡើយទេ ដោយសារតែមានបញ្ហារបួសជាប់រហូត។ អតីតកីឡាករ Chelsea ក៏ធ្លាប់បាននិយាយប្រាប់អ្នកគាំទ្រ Real Madrid ដែរថា រដូវកាលដំបូងមិនអាចវាយតម្លៃរូបគេបានឡើយ ទាល់តែចាប់ពី២រដូវកាលទៅសិនទើបដឹងច្បាស់៕ប្រភព Marca
