Barcelona ​នឹង​និយាយ​បន្ដ​កុងត្រា Messi ​នៅ​ខែ​នេះ​

​ក្រុម FC Barcelona ​នឹង​និយាយ​បន្ដ​កុងត្រា​ជាមួយ Lionel Messi ​នៅ​ខែ​នេះ​តែ​ម្ដង ​ក្រោយ​ពី​កុងត្រា​ចាស់​របស់​គេ​នឹង​ផុត​កំណត់​នៅ​ត្រឹម​ឆ្នាំ​២០២១។

​Messi ​ផុត​កុងត្រា​នៅ​ឆ្នាំ​២០២១ ​ប៉ុន្តែ​នៅ​ត្រឹម​រដូវ​ក្ដៅ​នេះ ប្រសិន​បើ​មិន​មាន​ការ​បន្ដ​កុងត្រា​ថ្មី​ទៀត​ទេ ​នោះ​រូបគេ​ក៏​អាច​ចាកចេញ​ពី​ក្រុម Barcelona ​បាន​ផង​ដែរ។ ​នេះ​បើ​តាម​កិច្ច​សន្យា​ចាស់ ​ពោល​គឺ​ក្លឹប​មិន​អាច​ហាម​ឃាត់​បាន​ឡើយ ​បើ​មិន​មាន​កុងត្រា​ថ្មី​ទាន់​ពេល​ទេ។ ដូច្នេះ​ហើយ ​នៅ​ត្រឹម​ខែ​មិថុនា​នេះ ​ទើប​បាន​ជា​ក្រុម​អ្នក​មាន​បុណ្យ​ចាប់​ផ្ដើម​ចរចា​បន្ដ​កុងត្រា​ថ្មី​ទៀត​ហើយ។

ខ្សែ​ប្រយុទ្ធ​វ័យ​៣២ឆ្នាំ​ខាង​លើ​នេះ ​តែងតែ​អាច​ផ្លាស់​ប្ដូរ​កុងត្រា​របស់​គេ​បាន​នៅ​ពេល​ចប់​រដូវ​កាល​នីមួយ​ៗ ព្រោះ​ថា​វា​ជា​លក្ខខណ្ឌ​នៅ​ពេល​រូបគេ​ត​កុងត្រា​កាល​ពី​ឆ្នាំ​២០១៧​មក។ ​វីរបុរស​របស់​ Barcelona ​នេះ ​បាន​ជួយ​ក្រុម​ឈ្នះ​ពាន​រង្វាន់​៣៤​ពាន​ហើយ ក្នុង​រយៈ​ពេល​១៦​ឆ្នាំ​មក​នេះ។ ​ក្លឹប​ចង់​បន្ដ​កុងត្រា​ឱ្យ Messi ​ដើម្បី​លេង​ដល់​ចូល​និវត្តន៍​នៅ​ក្លឹប​នេះ​តែ​ម្ដង៕ប្រភព Dailymail

ភ្ជាប់ទំនាក់ទំនងជាមួយ CTS SPORT