ថ្មីៗនេះមានចចាមអារ៉ាមយ៉ាងក្តៅគគុក ពាក់ព័ន្ធរឿងដែលក្លឹបតោខៀវ Chelsea កំពុងចរចាចង់នាំយក Timo Werner មកកាន់ក្លឹបនៅទីផ្សារដោះដូរខាងមុខ។
តាមរបាយការណ៍បានឲ្យដឹងថា ការចរចារវាងភាគីនៃក្លឹប Chelsea និង RB Leipzig ហាក់ឈានដល់កិច្ចព្រមព្រៀងមួយហើយនៅតម្លៃខ្លួន ៦០ លានអឺរ៉ូ។ ទន្ទឹមនោះ Werner នឹងទទួលបានថ្លៃពលកម្ម ១៨០ ០០០ ផោន/សប្តាហ៍នៅ Stamford Bridge។
តាម SportBible បានផ្គុំចេញឈុត ១១ រូបល្អបំផុតនារដូវកាលក្រោយរបស់ Chelsea ប្រសិនយក Timo Werner មកបានពិតមែន។ ក្នុងនោះក៏មានការផ្សាភ្ជាប់ទៅនឹងចចាមអារ៉ាមដែលក្លឹបកំពុងចរចានាំយក Ben Chilwell ពី Leicester City ថែមទៀតផង។
ការរៀបប្រព័ន្ធ ៤-៣-២-១ ដូចបង្ហាញខាងលើ គឺមើលទៅទំនងខ្លាំងសម្រាប់ក្រុមដឹកនាំដោយ Lampard ក្រោយមានការបន្ថែម Chilwell នៅការពារស្លាបឆ្វេង អមជាមួយ Ziyech នៅស្លាបប្រយុទ្ធស្តាំ (ទិញបានពី Ajax) ហើយ Werner ឡើងប្រយុទ្ធទោលនៅតំបន់កណ្តាល៕
