បញ្ចប់ចចាមអារ៉ាមដែលបានផ្ទុះកន្លងទៅនេះ ទីបំផុតក្លឹបអេស្ប៉ាញ Barcelona បានចេញសេចក្តីថ្លែងការណ៍ច្បាស់ការហើយថា Lionel Messi ពិតជាបានរងបញ្ហារបួសអំឡុងពេលហ្វឹកហាត់ពិតមែន។
តាមសេចក្តីថ្លែងការណ៍ពីក្លឹបបានឲ្យដឹងថា Messi ជួបរបួសផ្នែកសន្លាក់ជើងស្តាំ ហើយរំពឹងនឹងត្រលប់មកចូលរួមជាមួយក្រុមវិញនៅប៉ុន្មានថ្ងៃខាងមុខ (មិនមានការបញ្ជាក់ពេលវេលាជាក់លាក់)។
បញ្ជាក់ថាភាគរយច្រើនទំនងជាមិនមានបញ្ហាអ្វីធ្ងន់ធ្ងរនោះទេ ត្បិតបើកការវិលត្រលប់មកវិញនៃក្របខ័ណ្ឌ LaLiga សល់រយៈពេលតែ ៨ ថ្ងៃទៀតក្តី។
បញ្ជាក់ថាក្រុមឈរកំពូលតារាង LaLiga មួយនេះ នឹងត្រូវចូលជួបម្ចាស់ដី Mallorca នៅជំនួបបើកឆាកនាថ្ងៃទី ១៤ មិថុនា ឆ្នាំ ២០២០ វេលាម៉ោង ០៣:០០ នាទីរំលងអាធ្រាត្រ៕ ប្រភព៖ BeSoccer