លោក Moussa Sissoko ភ្នាក់ងាររបស់ Dembele មិនជឿថាខ្សែប្រយុទ្ធរូបនេះ នឹងអាចចាកចេញពីក្រុម FC Barcelona នោះទេ ត្បិតអីក្លឹបអ្នកមានបុណ្យនៅត្រូវការគេនៅឡើយ។
Dembele ជាកីឡាករដែលក្រុម FC Barcelona ទិញមកដើម្បីជំនួសកន្លែងរបស់ Neymar ។ តែលទ្ធផល មិនដូចបំណងឡើយ កីឡាករបារាំងរូបនេះមានបញ្ហារបួសខ្លាំងមែនទែន ហើយបញ្ហាជាមួយអ្នកចាត់ការក្រុមក៏មានថែមទៀត។ ដោយបច្ចុប្បន្នកំពុងសម្រាកព្យាបាលរបួសនៅឡើយទេ។ កត្តានេះហើយ ទើបបានជាក្រុម Barcelona បានដាក់ឈ្មោះរូបគេក្នុងបញ្ជីលក់ចេញនៅរដូវក្ដៅខាងមុខ។
តែបើតាមភ្នាក់ងាររបស់ខ្សែប្រយុទ្ធខាងលើវិញបាននិយាយថា៖ “ខ្ញុំមិនសង្ឃឹមថា Dembele នឹងចាកចេញពី Barcelona នៅរដូវក្ដៅនេះទេ។ គាត់នៅស្រលាញ់ក្លឹបនេះ ខ្ញុំមិនគិតថាគាត់នឹងចាកចេញឡើយ”។ កីឡាករវ័យ២៣ឆ្នាំខាងលើតាំងពីផ្លាស់មកអេស្ប៉ាញ បានបង្ហាញខ្លួន៧៩ប្រកួត និងរកបាន១៩គ្រាប់៕ប្រភព Marca
