ខ្សែការពារ Marcelo បានបញ្ជាក់ថាក្រុម Real Madrid បង្រៀនរូបគេឱ្យយល់ច្បាស់ពីបាល់ទាត់ ហើយចេះប្រយុទ្ធរហូតដល់នាទីចុងក្រោយ ព្រោះគ្រប់យ៉ាងសុទ្ធតែអាចកើតឡើងលើទីលាន។
ក្រុម Real Madrid ជោគជ័យខ្លាំងមែនទែននៅប៉ុន្មានឆ្នាំចុងក្រោយនេះ។ ពួកគេបានឈ្នះពានរង្វាន់ UEFA Champions League បាន៣សម័យកាលជាប់គ្នា និងឈ្នះពានរង្វាន់ធំបំផុតនៅអឺរ៉ុបនេះបាន៤ដងក្នុងរយៈពេល៥ឆ្នាំ។ ជាមួយជ័យជម្នះយ៉ាងធំធេងនេះដែរ បានធ្វើឱ្យ Marcelo យល់ឃើញថាវិស័យបាល់ទាត់ពិតជាគ្រប់យ៉ាងអាចកើតមានឡើងបានមែន។
ខ្សែការពារដែលដើរតួយ៉ាងសំខាន់សម្រាប់ក្រុម Real Madrid ខាងលើបាននិយាយថា៖ “រឿងសំខាន់នៅពេលយើងបានឈ្នះពានហើយ គឺយើងនៅតែប្រឹងប្រែងបន្ដទៀត។ យើងតែងតែចង់ឈ្នះវាទៀតបើទោះជាយើងបានឈ្នះច្រើនហើយក៏ដោយ។ ពេលខ្ញុំមកដល់ទីនេះ Madrid បានបង្រៀនខ្ញុំថា ត្រូវតែប្រយុទ្ធរហូតដល់នាទីចុងក្រោយ មិនត្រូវបោះបង់ចោលឡើយ”៕ប្រភព Marca
