ជានិច្ចកាលអ្នកធ្លាប់តែឃើញ Kylian Mbappe បង្ហាញភាពអស់សំណើចទៅកាន់មិត្តរួមក្រុមឬគូប្រជែងលើទីលានប្រកួត ប៉ុន្តែកីឡាករសញ្ជាតិបារាំងរូបនេះក៏ធ្លាប់ត្រូវបានគេសើចចំអកមកលើខ្លួនម្តងវិញដែរកាលពីនៅឆ្នាំ ២០១៥។
នោះគឺអំឡុងពេល Mbappe ទើបមកដល់ Monaco ដំបូងៗ ដោយរឿងនេះត្រូវបានទម្លាយចេញពីអតីតមិត្តរួមក្រុម គឺកីឡាករ Guido Corrillo។
ប្រាប់សារព័ត៌មាន Fox Sport កីឡាករ Carrillo និយាយ៖ “ពិតណាស់ខ្ញុំធ្លាប់សើចគេ ពេលគេ [Mbappe] មកដល់ក្រុម Monaco ដំបូងៗ ក្រោយទើបលេងឲ្យឈុត U18 ដែលគេធ្វើបានល្អខ្លាំងកាលនោះ”។
លោកបន្តថា៖ “ពេលដែលគេបានឡើងមកលេងនៅឈុតធំ អ្វីដែលអស់សំណើចនោះ គឺគេជាក្មេងដែលមានម្តាយជូនមក ព្រោះកាលនោះគេមិនទាន់មានប័ណ្ណបើកបរ ហើយសមាជិកក្រុមឯទៀតក៏អស់សំណើចនឹងរឿងហ្នឹងដែរ”។
បញ្ជាក់ថាតាមច្បាប់នៅប្រទេសបារាំង បុគ្គលដែលមានអាយុ ១៨ ឡើងទៅទើបមានសិទ្ធប្រឡងយកប័ណ្ណបើកបររថយន្ត៕ ប្រភព៖ BeSoccer