Jadon Sancho និងកីឡាករមួយចំនួនផ្សេងទៀត បានបង្ហាញស្ទាយអបអរជាសញ្ញានៃការគាំទ្រប្រឆាំងនឹងការរើសអើងពណ៌សម្បុរ ជាពិសេសគឺឧទ្ទិសដល់ការបាត់បង់ជីវិតរបស់បុរសស្បែកខ្មៅលោក George Floyd។
យ៉ាងណាមិញសម្រាប់ Sancho ដែលរកបាន Hat-Trick នៅប្រកួតកន្លងទៅនេះ ត្រូវបានអាជ្ញាកណ្ដាលពិន័យកាតលឿងមួយលើទីលាន ហើយថែមទាំងត្រូវបានសហព័ន្ធបាល់ទាត់អាល្លឺម៉ង់កំពុងបើកការពិភាក្សាថាសម្រេចដាក់ពិន័យដល់ Sancho ឬអត់ទៀតផង។
ពាក់ព័ន្ធនឹងរឿងនេះ ក៏ត្រូវបានប្រធានធំ FIFA លោក Gianni Infantino បានចេញមុខមកប្រកាសឈរនៅខាង Sancho ហើយទទូចឲ្យលីគអាល្លឺម៉ង់មានការពិចារណាសារជាថ្មី ថាទង្វើរបស់ Sancho គួរតែត្រូវបានទទួលការសាទរច្រើនជាង។
នៅសេចក្តីថ្លែងការណ៍មួយ លោក Infantino បាននិយាយថា៖ “ដើម្បីជៀសវាងការសង្ស័យទាំងឡាយណា ក្នុងប្រកួតរបស់ FIFA ដោយតាមរយៈការបង្ហាញពីសំណាក់កីឡាករនៅ Bundesliga គឺពួកគេសមតែនឹងទទួលបានការសាទរ គឺមិនសមជាការពិន័យអ្វីនោះទេ”។
លោកបន្ថែម៖ “យើងត្រូវតែនិយាយថាទេ ចំពោះការរើសអើងជាតិសាសន៍និងគ្រប់ទម្រង់នៃការរើសអើងទាំងអស់ ហើយយើងទាំងអស់គ្នាក៏ត្រូវនិយាយថាទេដូចគ្នាចំពោះការប្រព្រឹត្តិអំពើហិង្សាក្នុងរូបភាពណាមួយ”៕
ប្រភព៖ Sportskeeda