លោក Jurgen Klopp បានប្រាប់ទៅកីឡាករក្រុម Liverpool ទាំងអស់ត្រូវពាក់ម៉ាស់ការពារនៅពេលពួកគេចេញក្រៅតាមទីសាធារណៈ ដើម្បីការពារឆ្លង Covid-19 ។
ក្របខណ្ឌ Preamier League នឹងបើកដំណើរការវិញហើយនៅថ្ងៃទី១៧ខាងមុខនេះ ក្រោយពីផ្អាកអស់រយៈពេល៣ខែ ដោយសារតែមេរោគឆ្លង Covid-19 ។ ការត្រលប់មកវិញនេះដែរ ក្រុម Liverpool ត្រូវប៉ះជាមួយក្រុម Everton ។ យ៉ាងណាមិញ មុននិយាយពីការប្រកួត លោក Klopp ក៏បានលើកឡើងពីសុវត្ថិភាពរបស់សមាជិកក្រុមទាំងអស់ផងដែរ។
អ្នកចាត់ការសញ្ជាតិអាល្លឺម៉ង់ បាននិយាយថាលោកបានប្រាប់ទៅកីឡាករទាំងអស់ឱ្យការពារសុវត្ថិភាពខ្លួនឯងពីមេរោគ Covid-19 ។ ពេលចេញក្រៅ ត្រូវពាក់ម៉ាស់ការពារនិងមិនត្រូវទៅកន្លែងមានមនុស្សច្រើននោះទេ។ សុវត្ថិភាពគឺជារឿងចម្បងមុនគេបង្អស់ដែលកីឡាករគ្រប់គ្នាត្រូវធ្វើ៕ប្រភព Goal
