ក្រុមកីឡាករ FC Barcelona ដល់ទៅ៥នាក់ និងមានគ្រូបង្វឹក២នាក់ទៀត រកឃើញថាមានផ្ទុកមេរោគ Covid-19 ប៉ុន្តែមិនធ្ងន់ធ្ងរនោះទេ ហើយបច្ចុប្បន្ននេះជាសះស្បើយអស់ហើយ។
យោងតាមវិទ្យុ RAC1 នៅកាតាឡាន់ បាននិយាយថាក្រុម Barcelona បានបិទបាំងរឿងកីឡាកររបស់ខ្លួនមានផ្ទុកមេរោគ Covid-19 នេះ។ ក្រុមកីឡាករទាំង៥នាក់ ត្រូវបានរកឃើញថាមានមេរោគតាំងពីធ្វើតេស្ដលើកដំបូងម្ល៉េះ ហើយពួកគេមិនមានចេញរោគសញ្ញាអ្វីឡើយ។ រហូតមកដល់បច្ចុប្បន្ននេះ ពួកគេបានជាសះស្បើយអស់ហើយដែរ និងបានចូលហ្វឹកហាត់ជាធម្មតា។
ប្រភពខាងលើនេះ ក៏បង្ហើបទៀតថាក្លឹបមិនបានបញ្ជាក់ពីឈ្មោះកីឡាករទាំង៥នាក់ដែលផ្ទុកមេរោគនេះឡើយ ដោយសូម្បីតែចេញលិខិតក៏មិនបានចេញដែរ។ ពួកគេធ្វើបែបនេះ គឺដើម្បីឱ្យ La Liga ឆាប់បានលើកឡើងវិញ ព្រោះក្រុមគ្រូពេទ្យរបស់ក្លឹបដឹងច្បាស់ថាអាចព្យាបាលកីឡាករទាំង៥បាន៕
នាក់