ខ្សែប្រយុទ្ធ Moise Kean បានទិញឆ្កែការពារផ្ទះ២ក្បាលតម្លៃ៣ម៉ឺនផោន ដើម្បីការពារសន្ដិសុខនៅផ្ទះ ក្រោយពីមួយរយៈនេះមានករណីចោរចូលផ្ទះកីឡាករល្បីៗច្រើនពេកនៅអង់គ្លេស។
មួយរយៈចុងក្រោយនេះ កីឡាករនៅអង់គ្លេសដូចជា Alli និង Mahrez សុទ្ធតែត្រូវចោរចូលផ្ទះ លួចរបស់របរ។ ដោយឡែក Alli វិញ ត្រូវក្រុមចោរវាយថែមទៀតផង។ កត្តានេះហើយ ទើបបានជាកីឡាករមួយចំនួនចាប់ផ្ដើមរកវិធីដើម្បីការពារខ្លួននិងក្រុមគ្រួសារ។
ជាក់ស្ដែងខ្សែប្រយុទ្ធ Moise Kean របស់ក្រុម Everton បានទិញយកឆ្កែការពារផ្ទះ២ក្បាល មានតម្លៃដល់ទៅ៣ម៉ឺនផោនឯណោះ។ ឆ្កែទាំង២ក្បាលនេះ ត្រូវបានបង្វឹកដោយក្រុមអ្នកជំនាញ Chaperone K9 មានសមត្ថភាពខ្ពស់ក្នុងការការពារផ្ទះ។ ឆ្កែប្រទេសនេះ ក៏ត្រូវបានកីឡាករល្បីៗដទៃទៀត ទិញយកទៅយាមផ្ទះផងដែរ ដូចជា Rashford, Pogba , Sterling និង Rio ជាដើម៕ប្រភព Dailymail
