ក្រុមសមាជិកក្រុម Liverpool ទាំងអស់ បាននាំគ្នាលត់ជង្គង់ក្នុងទីលានហ្វឹកហាត់ ដើម្បីបង្ហាញការគាំទ្រនិងគោរពដល់លោក George Floyd ដែលបានស្លាប់នៅសហរដ្ឋអាមេរិក។
រយៈពេល១សប្ដាហ៍មកហើយ ដែលលោក George Floyd បានស្លាប់ ក្រោយពីត្រូវប៉ូលិសក្នុងរដ្ឋMinneapolis សង្កត់ក។ ការស្លាប់នេះ ត្រូវបានគេចាត់ទុកថាជាការរើសអើងពូជសាសន៍ និងបណ្ដាលឱ្យមានបាតុកម្មទ្រង់ទ្រាយធំនៅសហរដ្ឋអាមេរិក។ រហូតមកទល់ពេលនេះ មិនត្រឹមតែនៅអាមេរិកទេ សូម្បីអង់គ្លេស និងអាល្លឺម៉ង់ ក៏មានបាតុកម្មដូចគ្នាដើម្បីបង្ហាញថាកុំឱ្យមានការរើសអើងតទៅទៀត។
មិនត្រឹមតែប៉ុណ្ណឹងទេ កីឡាករបាល់ទាត់ល្បីៗក៏បានចាប់ផ្ដើមគាំទ្រដល់ George Floyd ផងដែរ។ ដោយក្នុងនោះក្រុម Liverpool កាលពីម្សិលមិញនេះ បានបង្ហាញការគោរព ដោយនាំគ្នាលត់ជង្គង់គ្រប់គ្នា គោរពដល់ការស្លាប់របស់ Floyd ៕ប្រភព Bbc